قـــصــة عــريـــس!!!! هههههههه
السلام عليكم
كيفكم جميعا شباب وصبايا...
اليوم جايبلكم قصة واحد الله يستر عليه يوم عرسه.!!!
يلا مابطول عليكم.
ونعطي المايك للعريس<<<< بس ياأبو مايك لاتستخف
اليوم راح أحكي لكم الي صار معي ليلة العرس و حسب
شهود عيان ( لأن فية أشياء ما اتذكرها بسبب هبوط الضغط اللي صار لي يومها)
المهم صحيت الظهر وقمت وصليت ورجعت للبيت أجهز أغراضي و أتروش (تقول الوالدة من الربشة مفرش أسنانك بمعجون حلاقة)
لما صار العصر طلعت للحلاق وحلقت ورجعت قريب من المغرب ,, ثم رحت اتروش لكن ها المرة غير ..
تروشت بدورة مياة الرجال من العجلة أكرمكم الله والي تفتقد لابسط الاشياء وهو شامبو بيبي جوي "لادموع بعد اليوم" :
وبمساعدة الوالدة تم بحمد الله نقل أغراضي إلى دورة مياة الرجال .
صلينا المغرب ورجعت البس طبعاً بعد العشاء أحنا عندنا عادة وهي أنو بعض اهل وأقارب العريس يتجمعون في بيت العريس
عشان يطلعون معاه للقصر ,,
وأنا جالس البس عشان انزلهم و اسلم عليهم أكتشفت أن المشلح اقصر مني بشبر
طبعا السبب عرفته بعد أسبوع ( وهو إني غسلته غسيل عادي مو بخار عشان كذا كمش قماش المشلح )
طبعا صرت احوس بالغرفة وش اسوي وش اوسوي ورحت للوالدة الله يحفظها وخبرتها .. هدتني وقالت بسيطة ..
حاول قد ماتقدر تكون جالس طول الوقت ولما تمشي سوي نفسك رافع المشلح شوي ومدخلة تحت يدك زي الناس الآكابر...
المهم صلينا العشاء ثم نزلت وسلمت على الحضور بعدين جلست واقاربي يناظروني ويتبسمون لين صار وجهي علبة الوان...
بعدها جاء ابوي وقال يالله نطلع للقصر وركبنا السيارة .. أنا ورا.. وابوي قدام .. وعمي يسوق السيارة ورحنا للقصر والناس ورانا
لما قربنا من القصر عندنا عادة الناس تبداء تدق بواري ( طاط طيطييط طوووط طط طط ) من هنا أنا بدأت افقد السيطرة على نفسي
وصلنا القصر ونزلت ولما نزلت لقيت العالم متجمعين عند الباب عشان يسلمون علي ويباركون لي ,,
طبعاً أبوي حاس بوضعي عشان كذا كان قد مايقدر يحاول يكون جنبي .. وأول واحد سلم علي كان أبو البنت سلمت عليه وبوست راسة
وأنا أنتفض ثم سلموا علي أعمامها ثم خوالها .. الخ لين دخت
وكان مرة زحمة وخنقة و كان كل واحد يسحبني من جهة عشان يسلم علي لين وصل دور عيال خالتي
طبعاً اول واحد منهم سلم علي وقال : ماشاء الله الف مبروك وكل عام وانت بخير
رديت علية وقلت : الله يبارك فيك يارب
جاء الثاني وعرف اني مرتبك ومهبب لاني ما أستغربت من كلمة كل "عام وانت بخير"
فقام قالي : عيدك مبارك وكل عام وانت بخير
انا رديت علية وبكل برائة وقلت: تسلم .. من العايدين الفايزين يارب
جاء الثالث وخربها و قال : تقبل الله
رديت علية وقلت : من الجميع يارب .. جزاك الله خير
طبعاً العالم فطست من الضحك
لما شافني أبوي كذا قام سحبني ودخلني جوات القاعة وجلست أكمل باقي السلام على الحضور .
طبعاً كنت من الخبة اقوم وأقعد أقوم واقعد والسبب هو اني من الارتباك ماكنت أدري مين الي سلمت عليه و مين اللي ما سلمت عليه
فكان بمجرد مايمر من جنبي أحد أقوم أحسبه جاي يبغى يسلم علي ثم أكتشف انه جاي يسلم على الشياب الي جالسين جنبي
المهم فجأة وانا بمعمة أفكاري قام جميع الحضور مرة وحدة وأتجهو نحوي مباشرة : .. طبعاً أنا ما ادري وش السالفة
قمت واقف أحسبهم يبغون يودعوني دفعة وحدة !!
طلع ابو البنت منادي عليهم للعشاء
ولسوء الحظ كان باب صالة الطعام خلفي .. حسبي الله عليه اللي مصمم القاعة فجعني
المهم جلست شوي ثم قمت ورحت للقسم اللي مخصص للعرسان وطقيت الباب
أنا : طق طق
حارسة الباب : مين ؟
انا من الربكة الي عايش فيها قلت : بيت الفلان (الي هو اسم عائلة زوجتي)
الحارسة : لا عرس الفلان قصدك
أنا : ايوة نسيت .. أنا العريس
الحارسة وهي تضحك : ايوة مبين خلاص الحين بنادي لك امك
جت امي ودخلتني وعرفت أني مرتبك لدرجة الأرتجاج ,, قامت وسمت علي بالرحمن الرحيم وباركت لي ودعت لي
وقالت حبيبي ترا فيه خالاتك وبعض خالات البنت "متغطيات" وعروستك وأمها بس وعطتني وردة عشان اعطيها العروسة
طبعاً أول مادخلت خالاتي صارو يزغردون والي تصور وأعمتني بالفلاشات مبروك مبروك ياعريس منك المال ومنها العيال وبالرفاه والبنين ان شاء الله ,,
ولما خلصت سلمت على خالاتي رحت عشان اسلم على العروسة بالكوشة ,, طبعاً كنت مرة مستحي ومرتبك وما اعرف كيف اسلم عليها
و كنت جالس أفكر كيف ؟؟ و خلال غمضة عين اكتشفت أني فوق الكوشة : ( شكلي كنت أركض )
ومن الربكة عطيت الوردة ام العروسه وسلمت على العروسة سلام زملاء عمل (يعني مصافحة باليد ثم حطيت خدي على خدها من الجهتين )
تقول العروسة أنك قلت لي وشلونكم عساكم طيبين وكيف الأهل والأولاد !!
طبعاً خلال ثواني حسيت إن السلام غلط فحاولت اتدارك الموقف وأصححه فقمت وبوست راسها (قلت يمكن كذا الصح )
قام شماغي ومسك في التاج الي فوق راسها
: وخذ تخبيص وكنت شوي وأطيح عليها ,, وبطلعت الروح فكيتة من راسها
المهم جلست جنبها عشان التصوير بعد ماخربت تسريحتها وبعد ماخصلوا تصوير
قمت وانا بقمة الربكة وحطيت يدي على جبينها عشان أقول الدعاء ..
طبعا الدعاء الصحيح هو ((اللهم إني أسألك من خيرها وخير ما جبلتها عليه , وأعوذ بك من شرها وشر ما جبلتها عليه ))
أنا قلت (( اللهم أني أسألك من خيرها في الدنيا والآخرة واعوذ بك من شرها في الدنيا والآخرة ))
طبعا امي ماقدرت تمسك ضحكتها فسوت نفسها انها تبغى تروح تجيب سجادة الصلاة وهي ميتة ضحك عشان أصلي ..
بعدها جابت لي السجادة ,, اخذتها منها وفرشتها على الأرض ومن الارتباك صليت ركعة وحدة بس !!
طبعاً القبلة كانت لاشعورياً العروسة ,, حتى التلسيم الي في نهاية الصلاة وحدة كنت وأنا جالس والثانية وانا واقف ,,
طبعا البنت كان وجهها محمر من الضحك !! وصار عندها مغص حاد يومها بسبب كثرة الضحك !!
وهذا المايك مع السطري<<<< ياشين ثقالة الدم
أتمنى ماأكون طولت عليكم
هههههههههههههه
اذا المعرس كذا اجل كيف العروسه؟؟؟
السلام عليكم
كيفكم جميعا شباب وصبايا...
اليوم جايبلكم قصة واحد الله يستر عليه يوم عرسه.!!!
يلا مابطول عليكم.
ونعطي المايك للعريس<<<< بس ياأبو مايك لاتستخف
اليوم راح أحكي لكم الي صار معي ليلة العرس و حسب
شهود عيان ( لأن فية أشياء ما اتذكرها بسبب هبوط الضغط اللي صار لي يومها)
المهم صحيت الظهر وقمت وصليت ورجعت للبيت أجهز أغراضي و أتروش (تقول الوالدة من الربشة مفرش أسنانك بمعجون حلاقة)
لما صار العصر طلعت للحلاق وحلقت ورجعت قريب من المغرب ,, ثم رحت اتروش لكن ها المرة غير ..
تروشت بدورة مياة الرجال من العجلة أكرمكم الله والي تفتقد لابسط الاشياء وهو شامبو بيبي جوي "لادموع بعد اليوم" :
وبمساعدة الوالدة تم بحمد الله نقل أغراضي إلى دورة مياة الرجال .
صلينا المغرب ورجعت البس طبعاً بعد العشاء أحنا عندنا عادة وهي أنو بعض اهل وأقارب العريس يتجمعون في بيت العريس
عشان يطلعون معاه للقصر ,,
وأنا جالس البس عشان انزلهم و اسلم عليهم أكتشفت أن المشلح اقصر مني بشبر
طبعا السبب عرفته بعد أسبوع ( وهو إني غسلته غسيل عادي مو بخار عشان كذا كمش قماش المشلح )
طبعا صرت احوس بالغرفة وش اسوي وش اوسوي ورحت للوالدة الله يحفظها وخبرتها .. هدتني وقالت بسيطة ..
حاول قد ماتقدر تكون جالس طول الوقت ولما تمشي سوي نفسك رافع المشلح شوي ومدخلة تحت يدك زي الناس الآكابر...
المهم صلينا العشاء ثم نزلت وسلمت على الحضور بعدين جلست واقاربي يناظروني ويتبسمون لين صار وجهي علبة الوان...
بعدها جاء ابوي وقال يالله نطلع للقصر وركبنا السيارة .. أنا ورا.. وابوي قدام .. وعمي يسوق السيارة ورحنا للقصر والناس ورانا
لما قربنا من القصر عندنا عادة الناس تبداء تدق بواري ( طاط طيطييط طوووط طط طط ) من هنا أنا بدأت افقد السيطرة على نفسي
وصلنا القصر ونزلت ولما نزلت لقيت العالم متجمعين عند الباب عشان يسلمون علي ويباركون لي ,,
طبعاً أبوي حاس بوضعي عشان كذا كان قد مايقدر يحاول يكون جنبي .. وأول واحد سلم علي كان أبو البنت سلمت عليه وبوست راسة
وأنا أنتفض ثم سلموا علي أعمامها ثم خوالها .. الخ لين دخت
وكان مرة زحمة وخنقة و كان كل واحد يسحبني من جهة عشان يسلم علي لين وصل دور عيال خالتي
طبعاً اول واحد منهم سلم علي وقال : ماشاء الله الف مبروك وكل عام وانت بخير
رديت علية وقلت : الله يبارك فيك يارب
جاء الثاني وعرف اني مرتبك ومهبب لاني ما أستغربت من كلمة كل "عام وانت بخير"
فقام قالي : عيدك مبارك وكل عام وانت بخير
انا رديت علية وبكل برائة وقلت: تسلم .. من العايدين الفايزين يارب
جاء الثالث وخربها و قال : تقبل الله
رديت علية وقلت : من الجميع يارب .. جزاك الله خير
طبعاً العالم فطست من الضحك
لما شافني أبوي كذا قام سحبني ودخلني جوات القاعة وجلست أكمل باقي السلام على الحضور .
طبعاً كنت من الخبة اقوم وأقعد أقوم واقعد والسبب هو اني من الارتباك ماكنت أدري مين الي سلمت عليه و مين اللي ما سلمت عليه
فكان بمجرد مايمر من جنبي أحد أقوم أحسبه جاي يبغى يسلم علي ثم أكتشف انه جاي يسلم على الشياب الي جالسين جنبي
المهم فجأة وانا بمعمة أفكاري قام جميع الحضور مرة وحدة وأتجهو نحوي مباشرة : .. طبعاً أنا ما ادري وش السالفة
قمت واقف أحسبهم يبغون يودعوني دفعة وحدة !!
طلع ابو البنت منادي عليهم للعشاء
ولسوء الحظ كان باب صالة الطعام خلفي .. حسبي الله عليه اللي مصمم القاعة فجعني
المهم جلست شوي ثم قمت ورحت للقسم اللي مخصص للعرسان وطقيت الباب
أنا : طق طق
حارسة الباب : مين ؟
انا من الربكة الي عايش فيها قلت : بيت الفلان (الي هو اسم عائلة زوجتي)
الحارسة : لا عرس الفلان قصدك
أنا : ايوة نسيت .. أنا العريس
الحارسة وهي تضحك : ايوة مبين خلاص الحين بنادي لك امك
جت امي ودخلتني وعرفت أني مرتبك لدرجة الأرتجاج ,, قامت وسمت علي بالرحمن الرحيم وباركت لي ودعت لي
وقالت حبيبي ترا فيه خالاتك وبعض خالات البنت "متغطيات" وعروستك وأمها بس وعطتني وردة عشان اعطيها العروسة
طبعاً أول مادخلت خالاتي صارو يزغردون والي تصور وأعمتني بالفلاشات مبروك مبروك ياعريس منك المال ومنها العيال وبالرفاه والبنين ان شاء الله ,,
ولما خلصت سلمت على خالاتي رحت عشان اسلم على العروسة بالكوشة ,, طبعاً كنت مرة مستحي ومرتبك وما اعرف كيف اسلم عليها
و كنت جالس أفكر كيف ؟؟ و خلال غمضة عين اكتشفت أني فوق الكوشة : ( شكلي كنت أركض )
ومن الربكة عطيت الوردة ام العروسه وسلمت على العروسة سلام زملاء عمل (يعني مصافحة باليد ثم حطيت خدي على خدها من الجهتين )
تقول العروسة أنك قلت لي وشلونكم عساكم طيبين وكيف الأهل والأولاد !!
طبعاً خلال ثواني حسيت إن السلام غلط فحاولت اتدارك الموقف وأصححه فقمت وبوست راسها (قلت يمكن كذا الصح )
قام شماغي ومسك في التاج الي فوق راسها
: وخذ تخبيص وكنت شوي وأطيح عليها ,, وبطلعت الروح فكيتة من راسها
المهم جلست جنبها عشان التصوير بعد ماخربت تسريحتها وبعد ماخصلوا تصوير
قمت وانا بقمة الربكة وحطيت يدي على جبينها عشان أقول الدعاء ..
طبعا الدعاء الصحيح هو ((اللهم إني أسألك من خيرها وخير ما جبلتها عليه , وأعوذ بك من شرها وشر ما جبلتها عليه ))
أنا قلت (( اللهم أني أسألك من خيرها في الدنيا والآخرة واعوذ بك من شرها في الدنيا والآخرة ))
طبعا امي ماقدرت تمسك ضحكتها فسوت نفسها انها تبغى تروح تجيب سجادة الصلاة وهي ميتة ضحك عشان أصلي ..
بعدها جابت لي السجادة ,, اخذتها منها وفرشتها على الأرض ومن الارتباك صليت ركعة وحدة بس !!
طبعاً القبلة كانت لاشعورياً العروسة ,, حتى التلسيم الي في نهاية الصلاة وحدة كنت وأنا جالس والثانية وانا واقف ,,
طبعا البنت كان وجهها محمر من الضحك !! وصار عندها مغص حاد يومها بسبب كثرة الضحك !!
وهذا المايك مع السطري<<<< ياشين ثقالة الدم
أتمنى ماأكون طولت عليكم
هههههههههههههه
اذا المعرس كذا اجل كيف العروسه؟؟؟
