هذا اول الدرب سيري ياخفاف الركاب
دون المسافة تعب صوت وخطاوي مسير
رفرفت مع بيرق الشاعر عزيز الجناب
وبعثرت من مجمل الاحلام شي(ن)كثير
ماجيت ابجمح خطي المخطي واعيد الصواب
جيت اقسم الحق في سيف الكلام الشطير
شاعر وابرقى السما واحوم حومة عقاب
لعيون داري وحمران النواظر مطير
لين يتساوي الارض سهولها والهضاب
حتي اشوف بعلوي من تكابر صغير
ابي افتح لكل ظلمة للتعابير باب
والنور عجز عنها لسان الضرير
مابيني وبين مفتاح المشاعر حجاب
انا .. انا لا فرزدقهم ولاني جرير
انا اكبر من الحضور اللي ملاني غياب
وانا اكبر من الكلام اللي يهز الضمير
اكتب وعين الزمن تقرا حروف الكتاب
واستطعم الخوف من حال الزمان المرير
غريب حتي مع النسيان والاغتراب
والحب طير(ن) ربى فيني وعيا يطير
مهما رمي الوقت في وجه الاماني تراب
باذكرك ياسكر ظلالي وملح الهجير
ياسيدي في دفى بوحي لك اكبر حساب
من يوم علمتني وشلون احبك واغير
ظمي الجفا في عيونك وارتويتك سراب
قل للمواعيد تنساني وقل للعبير
تهابني خطوة اقدامي وانا صرت اهاب
نزف الاحاسيس ونياب القدر والمصير
لو كان كف المواصل ماتثني وعاب
يمديك ترجع وتاخدني معك للاخير
عاتبتني وانت حتى في سكوتك عتاب
وانا اعتذر لك وعذري مثل قلبي كبير
لاتزعل اليا جفاك من السحاب السحاب
شوف وش كثر كنت غير وباقي الناس غير
والله لو ان الذنوب براحتينك ثواب
لاعيش عيشة وفا واموت موتة فقير
ماعاد ابي للسؤال اللي بعيني جواب
ان كان يمكن يصير او كان لا مايصير
لا صرت شاعرك واحساسي ونبضي شباب
ماهمني المركز الثاني وقبل الاخير
اتمنى ــآآآآآ عجبتكــوووم..
